news Image
2014.02.17
09:57
| A A A
ABŞ-dan nüvə sızıntısı xəbərdarlığı

Nelson, hava radarlarının siqnal verməsinə səbəb olan sızıntının mənbəyini hələ də aşkarlaya bilmədiklərini də etiraf edib

Amerika Birləşmiş Ştatları Enerji nazirliyi nüvə sızıntısına qarşı xəbərdarlıq edib. Anspress-in xəbərinə görə, ABŞ-ın Nyu Meksikoda olan nüvə tullantıları obyektində təhlükə siqnalı verilib. 


Məlumata görə, nazirlik hava radarlarının normal səviyyədən dəfələrlə yuxarı səviyyədə radiasiya yayılması barədə siqnal verdiyini, stansiyaya giriş və çıxışların dayandırıldığını bildirib. 


Stansiyanın 139 əməkdaşının radiasiyadan zəhərlənmədiyini deyən nazirliyin sözçüsü Roqer Nelson həmin işçilərin evə buraxıldığını bildirib. 


Sızıntının təhlükəli səviyyədə olmadığını deyən Nelson, hava radarlarının siqnal verməsinə səbəb olan sızıntının mənbəyini hələ də aşkarlaya bilmədiklərini də etiraf edib.