news Image
2014.03.02
15:15
| A A A
Azarkeşlərdən futbolçuya qadağa İngiltərəli futbol azarkeşlər "Mançester Yunayted" komandasının havbekiTom Kleverlinin Braziliyada keçiriləcək dünya çempionatına aparılmasının əleyhinə çıxıblar. Azarkeşlər milli komandanın baş məşqçisiRoy Hocsona məktub yazaraq Kleverlini çempionata aparmamağı tələb ediblər.

Artıq məktubu 10 minə yaxın azarkeş imzalayıb. Onlar bildirirlər ki, Roy Hocson tərəfindən daimi olaraq milli komandaya çağırılan Kleverli yığmanın tərkibində 13 oyun keçirsə də, heç bir real qolçu keyfiyyətinə malik deyil: "Biz özümüzü məğrur futbol milləti hesab edirik. Kleverli isə bu keyfiyyətə malik deyil. O, bu ilin yayında keçiriləcək dünya çempionatının oyunlarında iştiraklardan məhrum edilməlidir".

Qeyd edək ki, Tom Kleverli həqiqətən də çox zəif çıxış edir. O, bu mövsümdə İngiltərə çempionatının 19 oyununda iştirak edib. Kleverli bu oyunlarda 1 qol vurub, 3 sarı vərəqə alıb.