news Image
2014.03.04
20:10
| A A A
AMEA Dilçilik İnstitutunda Terminologiya şöbəsi bərpa edilib

Azərbaycan Milli Elmlər Akademiyası (AMEA) Dilçilik İnstitutunda Terminologiya şöbəsi bərpa edilib.

İnstitutdan APA-ya verilən xəbərə görə, elmi-texniki tərəqqi sayəsində yeni terminlərin meydana çıxması ilə əlaqədar olaraq terminoloji sistemlərin fasiləsiz olaraq təkmilləşdirilməsi, elmi terminologiyanın inkişafının düzgün istiqamətləndirilməsi, Azərbaycan dilinin tələblərinə uyğunlaşdırılması və sistemə salınması üçün AMEA Nəsimi adına Dilçilik İnstitutunda əvvəllər fəaliyyət göstərmiş Terminologiya şöbəsinin yenidən bərpa edilməsi zərurəti yaranmışdır.

 

Bununla bağlı Humanitar və İctimai Elmlər Bölməsi vəsatət qaldırıb. Bunları nəzərə alan AMEA Rəyasət Heyəti AMEA Nəsimi adına Dilçilik İnstitutunun strukturunda Terminologiya şöbəsinin yaradılmasına dair qərar qəbul edib.