news Image
2012.06.13
17:33
| A A A
Mahmud Kərimov: “Akademiya artıq qocalıb”
Bu barədə APA-ya Azərbaycan Milli Elmlər Akademiyasının (AMEA) prezidenti Mahmud Kərimov bildirib. O deyib ki, aspirantlar üçün tikiləcək bina üçün müəyyən təkliflər olub: "Amma hər bir təklifə yerində baxanda müəyyən qüsurlar ortaya çıxır. Şərifzadə küçəsində yerləşən AMEA yataqxanasının həyəti tikinti üçün münasibdir. Bu daha məqbul variantdır. Ərazi baxımından burada yeni binanın tikintisi üçün imkan var. Razılıq olsa, aspirantlar üçün bina həmin ərazidə tikilə bilər. Amma hələ ki, bu varianta razılıq əldə edə bilməmişik". 

M. Kərimov deyib ki, gənc alimlər üçün yaş həddinin 40-a çatdırılması ilə əlaqədar Gənclər və İdman Nazirliyinin təklifini dəstəkləyir: "AMEA-da yaş həddi o həddə çatıb ki, 40 yaş bizim üçün gənc hesab olunur. Akademiya çox qocalıb. AMEA-da orta yaş 70-i keçib. Bu baxımdan 40 yaşlı şəxsləri gənc alim hesab etmək olar. Deməzdim vəziyyət belə acınacaqlıdır. Amma bu fakt müəyyən mülahizələr yürütmək üçün əsas verir". 

AMEA prezidentinin sözlərinə görə, alim peşəsini daha da cəlbedici eləmək, gənclərin elmə axınını sürətləndirmək üçün ilk növbədə üçün stimullaşdırıcı tədbirlər həyata keçirilməlidir: "Onların məvaciblərinə yenidən baxılmalıdır. Alimləri həvəsləndirmək lazımdır. Müəyyən perspektivlər olmalıdır. Elmə gələn hər bir gənc hiss etməlidir ki, onun karyerasında elmin müsbət təsiri olacaq".
 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs