news Image
2014.05.01
13:49
| A A A
Azərbaycanda ətin mənşəyini yoxlamaq reallaşdı

Azərbaycan Standartlaşdırma, Metrologiya və Patent üzrə Dövlət Komitəsinin Təcrübə-Sınaq Mərkəzində (AzTEST) müxtəlif növ heyvanların ətinin DNT ekstraksiyası üsulu ilə təyini sınaqlarına başlanıb. Komitədən Movqe.az-a verilən məlumata görə, ilk olaraq at, uzunqulaq, donuz və toyuq ətinin təyini üzrə reagentlər alınaraq istifadəyə verilib. Sınaqlar həm çiy, həm də bişmiş və ya emal olunmuş ətin üzərində aparılacaq. Artıq AzTEST-in yeyinti və kənd təsərrüfatı məhsullarının sınaq laboratoriyasında at ətindən DNT ayrılaraq "Real-time PCR" cihazında sınaq aparılıb və müsbət nəticə alınıb. Sınaqları aparmaq üçün laboratoriyada əsasən Almaniyanın "QiaGen" şirkətinin istehsalı olan Ekstraktor (QiaCube) və "Real-Time PCR" cihazlarından, həmçinin Almaniyanın test reagentlərindən istifadə olunacaq. Məlumat üçün bildirək ki, AzTEST-də aparılan bu sınaqlar Azərbaycanda ilk dəfə olaraq həyata keçirilib. Bu sınaqlar satılan və istifadə olunan ətin hansı heyvan növünə aid olduğunu ayırd etməklə bu sahədə istehlakçı hüquqlarının qorunmasına kömək edəcək.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs