news Image
2014.05.07
15:58
| A A A
Texniki şərti elektron formada almaq mümkün olacaq

Göstərilən xidmətlərin səviyyəsinin daha da artırılması məqsədi ilə yaxın günlərdə şəbəkəyə qoşulma, sayğac dəyişmə, texniki şərtin alınması, borcun araşdırılması və s. məsələlər üzrə abonentlərə elektron xidmətlərin göstərilməsinin həyata keçirilməsi nəzərdə tutulur. Movqe.az-ın məlumatına görə, bu fikir "Bakıelektrikşəbəkə" ASC-nin İdarə Heyətinin sədri Baba Rzayevin ümummilli lider Heydər Əliyevə həsr etdiyi "Unudulmaz böyük tarixi şəxsiyyət" məqaləsində əksini tapıb. Məqalədə, həmçinin qeyd olunur ki, "Dövlət orqanlarının elektron xidmətlər göstərilməsinin təşkili sahəsində bəzi tədbirlər haqqında" Azərbaycan Respublikası Prezidentinin 23.05.2011-ci il tarixli Fərmanının icrası ilə əlaqədar olaraq "Bakıelektrikşəbəkə" ASC-nin rəsmi internet saytında abonentlərə göstərilməsi nəzərdə tutulan xidmətlərin növləri, habelə müəssisənin struktur rəhbərlərinin "Əlaqə telefonları", "Elektron müraciət", "Qaynar xətt", "Qəbul günləri", "Enerji haqqının elektron ödənişi", "Borcun öyrənilməsi" və s. başlıqlı səhifələr fəaliyyətdədir. Həmin səhifələrə daxil olan abonentlərin müraciətləri ətraflı araşdırılaraq ən qısa müddətdə cavablandırılır.