news Image
2014.05.11
16:00
| A A A
Səhər saatlarında yanğın: 2 nəfər xəsarət aldı
İmişli rayonunda yaşayış evi yanıb. 

Movqe.az-ın Fövqəladə Hallar Nazirliyinin mətbuat xidmətinə istinadən verdiyi məlumata görə, səhər saatlarında rayonun Qaradonlu kəndində vətəndaşa məxsus iki mərtəbəli evin dam örtüyündə yanğın baş verib. 

Yanğın zamanı evin otaqlarında olan əşyaların yandığı bildirilir. FHN-dən həmçinin bildiriblər ki, yanğın zamanı iki nəfər müxtəlif dərəcəli yanıq xəsarətləri alıb. 

Evin qalan hissəsi yanğından mühafizə olunub. 

Yanğın səhər saatlarında söndürülüb.