Əlaqə Arxiv
news Image
2012.07.01
15:01
| A A A
Azərbaycan paytaxtında məcburi köçkünlərin məskunlaşdığı binada yenidən güclü yanğın olub, 23 sakin təxliyə edilib
Binəqədi rayonunda yerləşən həmin binada iyunun 13-də də güclü yanğın baş vermişdi


Bakı – APA. Bakıda məcburi köçkünlərin məskunlaşdığı binada güclü yanğın olub. APA-nın Fövqəladə Hallar Nazirliyinin (FHN) saytına istinadən verdiyi məlumata görə, Bakı şəhəri, Binəqədi rayonunda tikintisi başa çatmamış doqquzmərtəbəli yaşayış binasının 6-cı mərtəbəsində vətəndaşlara məxsus ümumi sahəsi 43 kv.m olan ikiotaqlı mənzilin 1 otağının yanar konstruksiyaları 10 kv.m sahədə, eyvanın taxta konstruksiyaları və ev əşyaları 7 kv.m sahədə, 7-ci mərtəbədə ümumi sahəsi 55 kv.m olan ikiotaqlı mənzilin 1 otağının yanar konstruksiyaları isə 6 kv.m sahədə, eyvanın taxta konstruksiyaları və ev əşyaları 7 kv.m sahədə yanıb. 

Yanğın zamanı yuxarı mərtəbələrdən 23 sakin yanğınsöndürənlər tərəfindən təxliyə edilib. Mənzillərin qalan hissəsi və qonşu mənzillər yanğından mühafizə olunub. 

Yanğın saat iyulun 1-də saat 05:43-də yanğınsöndürənlər tərəfindən söndürülüb.

Qeyd edək ki, həmin binada iyunun 13-də də güclü yanğın baş vermişdi. Yanğın nəticəsində bir neçə nəfər xəsarət almışdı. Həmin yanğın nəticəsində evləri yanaraq sıradan çıxmış bir neçə məcburi köçkün ailəsi yeni mənzillərlə təmin edilib. 

Binada Qubadlı, Cəbrayıl, Zəngilan, Ağdam və Füzuli rayonlarından olan məcburi köçkünlər məskunlaşıb.
 
Sizin Reklam Yeriniz