Əlaqə Arxiv
news Image
2014.06.03
23:48
| A A A
Rus tankları Bakıya girdi

Rusiya istehsalı tankların yeni partiyası Bakıya gətirilib.


ANS PRESS-in verdiyi məlumata görə, tanklar xüsusi yük vaqonları vasitəsi ilə paytaxta daxil olub. Nobel prospekti ərazisindən bazaya aparılan hərbi texnikalar son model tanklardır.


Qeyd edək ki, bir müddət öncə Azərbaycan tərəfinin Rusiyaya sifariş verməsi ilə bağlı məlumat yayılıb. Məlumata görə, Azərbaycana yola salınacaq partiyaya 30 ədəd T-90S tankı daxildir. Tanklar UVZ mütəxəssislərinin iştirakı ilə qəbul testlərindən keçiriləcək.


Bir neçə gün əvvəl mətbuatda UVZ-nin Azərbaycana əlavə olaraq 100 T-90S tankı satacağına dair yayılan məlumata aydınlıq gətirən şirkət nümayəndələrinin sözlərinə görə, burada söhbət 2012-ci ildə tərəflər arasında imzalanmış 100 ədəd T-90S tankının alğı-satqısına dair müqavilədən gedir. Müqavilə üzrə sifarişin ilk hissəsi 2013-cü ilin əvvəlində Bakıya göndərilib. Qalan hissə isə qrafikə uyğun davam etdirilir.

Sizin Reklam Yeriniz