Bakıda badımcandan telefon çıxdı (FOTO)
Bakıda təcridxanada badımcanın içərisindən mobil
telefon çıxıb. Movqe.az-ın Ədliyyə Nazirliyi Penitensiar xidmətin
İctimaiyyətlə əlaqələr şöbəsinə istinadən verdiyi məlumata görə,
xidmətin əməliyyat aparatının əməkdaşları Bakı İstintaq
təcridxanasında axtarış-baxış keçiriblər. Təcridxanada saxlanılan İbrahim Nadir oğlu Muxtarova xalası
oğlu vətəndaş Maarif Nuhbala oğlu Dəmirovun gətirdiyi sovqata baxış
olub. Keçirilən baxış zamanı sovqatda
olan badımcanın içərisindən daxilində danışıq kartı olmayan 1 (bir)
ədəd "Kenxinda" markalı mobil telefon aparatı aşkar
edilib. Qeyd edək ki, İbrahim Muxtarov
Azərbaycan Respublikası Cinayət Məcəlləsinin 221.2.1 və 221.2.2
maddələrinə əsasən həbs edilib. Fakt
üzrə araşdırma aparılır.