"Noğul"un içindən heroin çıxdı
Ədliyyə Nazirliyi Penitensiar xidmətin əməliyyat
aparatının əməkdaşları tərəfindən həyata keçirilmiş axtarış-baxış
tədbirləri nəticəsində Bakı İstintaq təcridxanasında saxlanılan,
Azərbaycan Respublikası Cinayət Məcəlləsinin 234.1 maddəsinə əsasən
həbs edilmiş şəxs Rauf Lazım oğlu Mahmudova vətəndaş Elçin Nəhmət
oğlu Bağırovun gətirdiyi sovqata baxış keçirilən zaman sovqatda
olan "noğul" dənələrinin içərisindən 7 (yeddi) ədəd şəffaf
sellofana bükülmüş ümumi çəkisi 0.698 qram olan narkotik vasitə
"heroin" aşkar edilərək götürülüb.
Movqe.az-a Penitensiar xidmətin
İctimaiyyətlə əlaqələr şöbəsindən verilən xəbərə
görə, Ədliyyə Nazirliyi Penitensiar
xidmətin əməliyyat aparatının əməkdaşları tərəfindən həyata
keçirilmiş digər axtarış-baxış tədbirləri nəticəsində Bakı İstintaq
təcridxanasında saxlanılan, Azərbaycan Respublikası Cinayət
Məcəlləsinin 178.3.3; 310 və 66.3 maddələrinə əsasən azadlıqdan
məhrum edilmiş məhkum İman Həsən oğlu İbrahimovun yanına
qısamüddətli görüşə gəlmiş qardaşı Fazil Həsən oğlu İbrahimovun
gətirdiyi sovqata və üzərinə baxış keçirilən zaman əynindəki
şalvarın cibindən daxilində "Nar" və "Cin" danışıq kartları olan 1
(bir) ədəd "Samsunq" markalı mobil telefon aparatı aşkar edilərək
götürülüb. Faktlar üzrə araşdırma
aparılır.