news Image
2014.06.10
20:20
| A A A
İran parlamenti Xəzərdə təhlükəsizlik üzrə əməkdaşlıq sazişini ratifikasiya edib

İranın İslami Şura Məclisi (parlament) "Xəzər dənizində təhlükəsizlik üzrə əməkdaşlıq haqqında sazişin ratifikasiyası haqqında" qanun layihəsini qəbul edib. Bu barədə Trend məlumat verib.

Saziş Azərbaycan, Türkmənistan, Rusiya, Qazaxıstan və İranın dövlət başçıları tərəfindən 2010-cu il noyabrın 18-də Bakıda imzalanıb.

Məlumata əsasən, İran parlamentinin bu gün keçirilən iclasında 222 nümayəndə iştirak edib. Onlardan 168-i qanun layihəsinin qəbul edilməsinin lehinə səs verib.

Parlamentin Milli təhlükəsizlik və xarici siyasət komissiyasının üzvü Hüseyn Nəqəvi Hüseyni deyib ki, Xəzər dənizində təhlükəsizlik üzrə əməkdaşlıq haqqında saziş Sovet İttifaqı dağıldıqdan sonra Xəzəryanı ölkələr arasında imzalanmış ən əhəmiyyətli sənəddir.

H.N.Hüseyni bildirib ki, Xəzəryanı ölkələr həmin saziş əsasında terrorizmə, mütəşəkkil cinayətkarlığa, silah və narkotik qaçaqmalçılığına qarşı və bu kimi sahələrdə birgə əməkdaşlıq edə bilərlər: "Saziş, həmçinin kənar qüvvələrin Xəzərin təhlükəsizliyinin təmininə müdaxiləsinin qarşısını ala bilər".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs