news Image
2014.06.12
17:40
| A A A
QMİ ATƏT-lə işləyəcək

Şeyx ATƏT-in Bakıda Layihə Əlaqələndiricisini qəbul edib

Qafqaz Müsəlmanları İdarəsinin sədri Seyxülislam Allahşükür Paşazadə ATƏT-in Bakıda Layihə Əlaqələndiricisi Aleksis Şahtaxtinskini onun öz xahişi ilə qəbul edib.


QMİ-nin mətbuat xidmətindən anspress-ə verilən məlumata görə, Şeyxilislam A.Paşazadə ona Azərbaycanda dövlət-din münasibətlərinin yüksək səviyyəsi,dini mənsubiyyətindən asılı olmayaraq bütün vətəndaşlar üçün yaradılan bərabər şərait, dini-mənəvi abidələrin tikinti və bərpa işlərinə dövlət səviyyəsində böyük qayğı barədə məlumat verib. QMİ sədri rəhbərlik etdiyi dini mərkəzin Azərbaycan, Qafqaz miqyasında, habelə MDB miqyasında həyata keçirdiyi tədbir və layihələr barədə də qonağı məlumatlandırıb.


ATƏT rəsmisi təmsil etdiyi qurumun tolerantlıqla bağlı layihələrinin olduğunu, bu baxımdan, Azərbaycanda mövcud tolerantlıq ənənələrinin bütün Avropa üçün önəm kəsb etdiyini xüsusi vurğulayaraq, yaxın gələcəkdə bu təcrübəni təşviq etmək məramı ilə birgə tədbirlər keçirmək niyyətində olduqlarını bildirib.


Bu növ tədbirlərin dünyada artması müşahidə olunan radikallıq meylləri ilə mübarizədə əhəmiyyətli olacağına əmin olan qonağın fikrincə, tarixən tolerantlıq ənənələrinə malik və dövlət səviyyəsində multikulturalizm ideyalarını dəstəkləyən Azərbaycanın təcrübəsinin bütün dünyada təbliği olduqca vacibdir.


Görüşün sonunda qonağa QMİ-nin fəaliyyətini əks etdirən kitablar hədiyyə edilib. 


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs