Şamaxıda ərzaq mağazası yanıb
Şamaxıda bu gecə yanğın hadisəsi qeydə alınıb.
Movqe.az-ın Fövqəladə Hallar Nazirliyinin (FHN) saytına istinadən
verdiyi xəbərə görə, yanğın şəhərdə vətəndaşa məxsus ümumi sahəsi
96 kv.m olan ərzaq mağazasında baş verib. Nəticədə, mağazanın anbar
otağında 6 kv.m sahədə ərzaq malları və anbarın tavanı 3 kv.m
sahədə yanıb. Anbarın və mağazanın qalan hissəsi yanğından mühafizə
olunub. Yanğın saat 01:32-də yanğınsöndürənlər tərəfindən
söndürülüb.