news Image
2014.06.18
22:19
| A A A
Azərbaycan sinoptikləri hansı hava şəraitini vəd edirlər?

Bu günlə müqayisədə sabah günün birinci yarısında Azərbaycanda daha isti hava şəraitinin müşahidə ediləcəyi gözlənilir. Lakin günün ikinci yarısında küləklə əlaqədar hava axşama dorğu nisbətən sərin olacaq. Bunu Trend-ə Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev bildirib.

O deyib ki, iyunun 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Şimal-qərb küləyi axşama dorğu arabir güclənəcək.

Bakıda və Abşeron yarımadasında havanın temperaturu gecə 18-22, gündüz 29-34 dərəcə isti olacaq. Günün birinci yarısında yarımadanın bəzi yerlərində temperatur 37 dərəcə təşkil edəcək.

Azərbaycanın əksər rayonlarında iyulun 19-da havanın əsasən yağmursuz keçəcəyi, lakin gecə və axşam bəzi şimal və qərb rayonlarında şimşək çaxacağı, qısamüddətli yağış yağacağı ehtimalı var. Qərb küləyi əsəcək, gündüz ayrı-ayrı yerlərdə arabir güclənəcək.

Havanın temperaturu Aran rayonlarında gecə 18-23, gündüz 30-35, bəzi yerlərdə 38 dərəcə, dağlarda gecə 10-15, gündüz 20-25 dərəcə, bəzi yerlədə 28 dərəcə isti olacaq.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs