Azərbaycanda abort edən məktəbli qızların şok statistikası
Səhiyyə Nazirliyinin Elmi Tədqiqat Mamalıq
Ginekologiya İnstitutu yeni rəqəmlər açıqlayıb. Movqe.az xəbər
verir ki, institutun elmi katibi Leyla Məmmədova tibb.az-a bildirib
ki, 20 yaşa qədər qadınların hamiləliklərinin 13 faizi, 20-24 yaşlı
qadınların hamiləliklərinin 28 faizi, 25-34 yaşlı qadınların
hamiləliklərinin 58 faizi, 35-44 yaşlı qadınların hamiləliklərinin
75 faizi süni abortla başa çatır. 2011-ci ildə Azərbaycan üzrə yeniyetmə qadınlar arasında
edilən abortların sayı 1204 olub. Onlardan 15-17 yaş arası 135
nəfər, 18-19 yaş arası isə 1069 nəfərdir. Hər 1000 yeniyetməyə abort göstəricisi isə 15-19 yaş 2,9 faiz,
15-17 yaş 0,6 faiz, 18-19 yaş 6,1 faizdir. Ümumiyyətlə, hamiləlik
zamanı itkilərin əksəriyyəti süni abortlar - 40.9 faiz, daha sonra
uşaqsalma 6 faiz və ölü doğuş 0.4 faiz nəticəsində baş
verir.Leyla Məmmədova əlavə edib ki,
2000-ci ildə Azərbaycanda ümumi abortların sayı 17 min 500 idisə,
2012-ci ildə artıq bu göstərici 31 min olub.Statistikada əsas diqqəti çəkən məqam yetkinlik yaşına
çatmayan 15-17 yaş arası 135 nəfərin abort olunmasıdır.