Əlaqə Arxiv
news Image
2014.06.24
17:49
| A A A
"Azərbaycan ordusu 3 günə İrəvana gedib çıxar"
Siyavuş Novruzov maraqlı açıqlamalar verib

"Əslində, biz Ermənistanla danışıqlar aparmamalıyıq. Çünki ermənilər heç bir məsələni həll etmir. Danışıqları Ermənistanı himayə edən dövlətlərlə aparmalıyıq. Ermənistan müstəqil dövlət deyil və öz himayədarlarının sözündən kənara çıxa bilməz". 


Bu fikirləri YAP İcra katibinin müavini, Milli Məclisin deputatı Siyavuş Novruzov yap.org.az saytına deyib. S.Novruzov bildirib ki, NATO PA-nın Bakıda keçirilən tədbirində erməni deputatların səsləndirdikləri fikirlərin hamısı əsassızdır. Onun sözlərinə görə, bütün dünya Ermənistanda nə qədər acınacaqlı vəziyyətin olduğunu bilir. "Dərin sosial-iqtisadi böhran nəticəsində hər il təxminən 70 min insan işğalçı ölkəni tərk edir. Eyni zamanda, Qarabağ erməniləri ilə Ermənistan vətəndaşları arasında ciddi qarşıdurmalar var. Bu amil onların ordusunda da özünü göstərir. 


Ermənistanda əhalinin sayı o qədər azdır ki, sərhədlərin mühafizəsində mülki, yerli əhalidən istifadə olunur. Ermənistan ordusunun büdcəsi cəmi 250 milyon dollardı. Bu da bizim ordunun büdcəsindən 15 dəfə aşağıdır. Başqa dövlət qarışmasa, Azərbaycan ordusu 3 gün müddətinə İrəvana qədər gedib çıxa bilər. Ermənistanın bizim ordunun qarşısında dura biləcək heç bir potensialı yoxdur"- deyə, YAP İcra katibinin müavini vurğulayıb.


Sizin Reklam Yeriniz