news Image
2014.06.27
09:35
| A A A
Azərbaycanda milli ödəniş sistemi yaradılacaq
AMB milli ödəniş sisteminin inkişaf strategiyasını hazırlayır

Azərbaycan Mərkəzi Bankı (AMB) milli ödəniş sisteminin inkişaf strategiyasını hazırlayır. Bunu Trend-ə AMB-nin baş direktoru Rəşad Orucov deyib.


R.Orucov qeyd edib: "Biz bu strategiyanın layihəsini hazırlamışıq və razılaşdırılması üçün müvafiq strukturlara təqdim etmişik".


Onun sözlərinə görə, sənəd ölkədə nağdsız hesablaşmaların inkişaf perspektivlərini əks etdirir: "Azərbaycanda bu sahədə kifayət qədər geniş infrastruktur yaradılıb. Strategiya, həmçinin sahənin əlavə stimullaşdırılması üzrə gələcək tədbirləri əhatə edir".


Ölkənin bank bazarındakı mənbə Trend-ə bildirib ki, pensiya, təqaüd, müavinət və ödənişlərin həyata keçirildiyi bütün sosial kartların gələcəkdə bu sistemə keçirilməsi istisna edilmir. Mənbənin sözlərinə görə, bu addım hazırda "Visa" və "MasterCard" beynəlxalq ödəniş sistemlərinin platformalarında buraxılan kartların emissiyası və xidmət göstərilməsi üzrə xərcləri azaldacaq.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs