news Image
2014.06.29
16:17
| A A A
Azərbaycan polisi kriminal avtoriteti tutdu (FOTO)
Şəmkir polisi qanunsuz silah gəzdirən şəxsi saxlayıb.

Movqe.az-ın "Kəpəz TV"yə istinadən məlumatına görə, Rusiya vətəndaşı olan Gülçin Yolçiyev vətəndaşlığını daşıdığı respublikanın kriminal aləmində daha çox tanınır.

Şəmkir rayon Polis Şöbəsinə daxil olan məlumat əsasında sözügedən rayonda anadan olan və hazırda Rusiya vətəndaşlığını daşıyan 42 yaşlı Gülçin Yolçiyev saxlanılıb.

Polislər həmin şəxsə məxsus "Mersedes E Klass" markalı avtomobildən "Makarov" tipli tapança, xeyli miqdarda döyüş sursatı və soyuq silah aşkarlayıb. Silah və sursatlar dərhal ekspertizaya təqdim edilib və döyüşə yararlı olduğu üzə çıxıb.

Hələlik "Makarov" markalı tapançadan hər hansı bir cinayətdə istifadə olunub olunmaması məlum deyil.

Rusiyanın kriminal aləmində daha çox tanınan Gülçin Yolçiyev şübhəli şəxs qismində saxlanılıb. Onun silahı hansı məqsədlər üçün saxladığı araşdırılır.







Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs