Qadının alt paltarından "tiryək" çıxdı
Ədliyyə Nazirliyinin Penitensiar xidmət
əməkdaşları 7 saylı cəzaçəkmə müəssisəsinə narkotik vasitənin
keçirilməsinin qarşısını alıblar.
Movqe.az-a Penitensiar xidmətin
İctimaiyyətlə əlaqələr şöbəsindən verilən xəbərə
görə, tərəfindən həyata
keçirilmiş axtarış-baxış tədbirləri nəticəsində 7 saylı cəzaçəkmə
müəssisəsində cəza çəkən, Azərbaycan Respublikası Cinayət
Məcəlləsinin 126.2.2; 126.2.4; 221.2.1; 221.2.2; 221.3; 66.3 və
67.1 maddələrinə əsasən azadlıqdan məhrum edilmiş məhkum Arif Aydın
oğlu Əliyevin yanına qısamüddətli görüşə gəlmiş tanışı vətəndaş
Zeynəb Arzuman qızı Nağıyevanın gətirdiyi sovqata və üzərinə baxış
keçirilən zaman, alt paltarında gizlətdiyi, ağ sellofana bükülmüş
xalis çəkisi 4,590 qram olan narkotik vasitə "Tiryək" və xalis
çəkisi 3,038 qram olan narkotik vasitə "Marixuana" aşkar edilərək
götürülüb. Fakt üzrə araşdırma
aparılır.