news Image
2014.07.10
12:20
| A A A
Azərbaycanda gənc arxeoloqların elektron jurnalı yaradılıb

Azərbaycanda gənc arxeoloqlar "Gənc arxeoloq" adlı elektron jurnal yaradıblar.

Layihəyə təşkilatı dəstəyi Azərbaycan Milli Elmlər Akademiyasının Arxeologiya və Etnoqrafiya İnstitutu göstərib.

İnstitutdan Trend-ə verilən məlumata görə, jurnalın məqsədi Azərbaycan gəncliyini arxeologiya elmində baş verən yeniliklər barədə elmi - populyar dildə məlumatlandırmaq, ölkəmizdə gənclərin elmə olan marağını artırmaqdır.

Elektron jurnal gənc nəslin maddi-mədəni irs ilə yaxından tanış olmasına, gənclər arasında xalqımızın tarixi keçmişinin öyrənilməsinə və gələcəkdə arxeoloqiya elminə marağın artırılmasına yardımçı olacaq.Layihənin rəhbəri Azərbaycan Milli Elmlər Akademiyasının Arxeologiya və Etnoqrafiya İnstitutunun kiçik elmi işçisi Ceyhun Əliyevdir.

Elektron jurnalın səhifələrində oxucular Azərbaycanın arxeoloji materialları, yeni tapıntıları ilə yanaşı dünya arxeologiyasının yenilikləri ilə də tanış olmaq imkanı əldə edəcəklər.Yaxın zamanlarda elektron jurnalın rəsmi təqdimatı keçiriləcəkdir.Elektron jurnal www.gencarxeoloq.com ünvanında fəaliyyət göstərir.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs