Azərbaycanlı qadın biznesmen oteldə ölü tapıldı
Azərbaycandan Pakistana gedən qadın biznesmen bu
ölkədəki otellərdən birində ölü tapılıb.
Movqe.az Virtualaz.org-a istinadən
məlumatına görə, qadının cəsədi Kəraçidəki Saddar otelində aşkar
edilib. Mustafayeva soyadlı qadın iyulun 17-də biznes məqsədi ilə
Azərbaycandan Kəraçiyə gedib və onun iyulun 23-də geriyə qayıtmaq
üçün bileti olub. Pakistan polisindəki
mənbə bildirib ki, qadının qaldığı oteldə ölü tapıldığı barədə
məlumatı polisə otel meneceri verib. Otaq xidməti Mustafayevanın qaldığı otağa daxil olanda qadının
cəsədi ilə qarşılaşıb. Polis bildirib
ki, qadının cəsədi mülki xəstəxanaya aparılıb və orada həkimlər
ölümün ürək tutmasından baş verdiyi qənaətinə gəliblər.
