news Image
2014.07.27
15:16
| A A A
Türkiyə sərhədində güclü partlayış: 40 ölü
Suriya-Türkiyə sərhədində çox sayda ölümə yol açan güclü partlayış baş verib.

Movqe.az ANS PRESS-ə istinadən xəbər verir ki , Suriyanın Türkiyə sərhədindəki İdlip şəhərində yerləşən Atmə qəsəbəsi bazarında meydana gələn partlayışda 40 nəfərin öldüyü, 60 nəfərin isə yaralandığı bildirilir.

Atmə qəsəbəsi bazarında meydana gələn dəhşətli hadisə, bomba yüklü avtomobilin partlaması nəticəsində baş verib. Ölənlər arasında qadın və uşaqların da olduğu vurğulanır. Ətrafdakı bir çox sayda avtomobilə və iaşə obyektlərinə də zərər dəyib. 60-dan çox isə xəsarət alan var ki, onları da yaxınlıqdakı xəstəxanalara çatdırıblar.

Qeyd edək ki, yaralılardan bəziləri Suriya-Türkiyə sərhədindəki Cilvəgözü sərhəd-keçid məntəqəsindən keçirilərək Hataydakı müxtəlif xəstəxanalara aparılıb.

Yaralılardan bəzilərinin vəziyyətinin ağır olduğu bildirilir.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs