news Image
2014.07.29
15:01
| A A A
Bakıda məmur vətəndaşı döydü?
Ötən gün Bakının Nəsimi rayonu ərazisində məmurun dostu ilə birləşərək 44 yaşlı kişini döydüyü iddia edilir. Movqe.az xəbər verir ki , bu barədə döyülən şəxsin qardaşı Səməd Museybov  məlumat verib. Onun sözlərinə görə, 44 yaşlı qardaşı Rövşən Museybov axşam saatlarında Heydər Əliyev adına Respublika sarayının yaxınlığında iki nəfərin hücumuna məruz qalıb. Onlardan biri İcra Hakimiyyətinin əməkdaşı Emin Əhmədlidir.
Səməd Museybovun sözlərinə görə, qardaşı hazırda Travmotologiya İnstitutundadır.

Məsələni araşdırmaq üçün Rövşən Museybovun özü ilə əlaqə saxladıq. Onun  verdiyi məlumata görə, hadisə axşam saat 23:00-da "Qış bulvarı"nda çay içən zaman baş verib. Emin Əhmədli və onun yanında olan tanımadığı biri ilə görüşüb. Görüş zamanı Eminlə aralarında anlaşılmazlığı aydınlaşdırmaq istəyib.

Problem mənzillə bağlı olub. Belə ki, Rövşən Museybovun bankların birinə 37 min manat borcu olub. O, krediti verə bilmədiyi üçün onun Ayna Sultanovada mənzili müsadirə edib. Rövşən Museybovun ailəsilə birlikdə mənzildən çıxarılmasına isə Binəqədi rayonunun əməkdaşı Emin Əhmədli nəzarət edib.

Rövşən Museybov deyir ki, əslində evinin qiyməti 100 min manatdır. Lakin Emin haqsızlıq edib, ona evini sataraq borcunu qaytarmağa imkan verməyib.

"Biz görüşən zaman mən ona dedim ki, adam kişi olar. Məni 2 övladımla birlikdə çölə atdın. O isə burada adam çoxdur, kənara çəkilib danışmağı təklif etdi. Tinə çəkilən zaman Emin başladı mənə şillə-təpik vurmağa. Yanındakı dostu də ona köməyə gəldi. Birləşib mən möhkəm döydülər".

Hazırda xəstəxanada müalicə aldığını deyən Rövşən Museybov məsələnin Nəsimi rayon Polis İdarəsi 21-ci polis bölməsi əməkdaşları tərəfindən araşdırıldığını də əlavə edib.

Polis bölməsində bildirdilər ki, bu barədə şikayət daxil olub. "Məsələ araşdırılır. Bundan artıq məlumat verməyə ixtiyarımız yoxdur".

Emin Əhmədli isə ANS PRESS-ə verdiyi məlumata görə, deyilənləri yalan adlandırıb. Məmurun sözlərinə görə, Rövşən Museybov ona şər atır.

"Mən dünən onunla heç bir yerdə görüşməmişəm. Rövşən Museybov məni şərləyir. Bununla bağlı heç başqa heç bir açıqlama vermək istəmirəm".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs