news Image
2014.07.30
17:05
| A A A
Hüquq müdafiəçisi Kənan M.M.-lə görüşüb

İşgəncələrə Qarşı Azərbaycan Komitəsinin sədri, hüquq müdafiəçisi Elçin Behbudov həbsdə olan rejissor Kənan Mahmudovla (Kənan M. M.) görüşüb.

 

Bu barədə APA-ya məlumat verən E. Behbudov bildirib ki, bu gün Binəqədi rayon Polis idarəsinin müvəqqəti saxlanma yerində monitorinq keçirib: "Orada beş nəfər saxlanılırdı. Onlardan biri də 1976-cı il təvəllüdlü Mahmudov Kənan Mahmud oğludur. Cinayət Məcəlləsinin 221-ci (xuliqanlıq) maddəsinə əsasən saxlanılıb. Lakin özünü təqsirli bilmir. Saxlanma şəraitindən və ona qarşı münasibətdən şikayəti yoxdur. Bildirdi ki, polis əməkdaşları ona hörmətlə yanaşırlar. Ondan Vüqar Muradov adlı şəxs şikayət edib, lakin sonradan şikayətini geri götürüb. Aralarında barışıq olub. Hesab edirəm ki, Kənanı buraxacaqlar" .

 

Qeyd edək ki, Kənan Mahmudov (Kənan. M. M.) müğənni Vüqar Muradov və onun qardaşı Vüsalın şikayət ərizəsi əsasında saxlanılıb və Cinayət Məcəlləsinin 221-ci (xuliqanlıq) maddəsi ilə cinayət işi başlanılıb. 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs