Boliviya, İsraili rəsmi olaraq "terrorist dövlət" elan edib. Boliviya prezidenti Evo Morales, Qəzzaya istiqamətli hücumlar səbəbiylə İsraili "terrorist dövlət" olaraq xarakterizə edib və hücumlara etiraz etmək məqsədiylə iki ölkə arasında uzunmüddətli  vizanı ləğv edib. Movqe.Az xəbər verir ki, Boliviyanın Əl Deber xəbər saytına görə, Morales, Boliviya hökumətinin, bundan sonra İsrailli ziyarətçilərdən Cənub Amerika ölkəsinə girə bilmələri üçün viza tələb edəcəyini açıqlayıb. 

İsrail ilə Boliviya arasında diplomatik əlaqələr, İsrailin Qəzzaya bundan əvvəl təşkil etdiyi böyük əməliyyat əsnasında 2009-ci ildə qopmuşdu. O dövrdə Morales, İsrailin əməliyyatlarını, "soyqırım" adlandırmışdı.