ABŞ prezidenti Barak Obama Amerika əhalisinə ənənəvi həftəlik müraciətində bir sıra maraqlı fikirlər səsləndirib. O, çıxışında əsas diqqəti İraqda və Suriyada İŞİD terrorçu qruplaşması ilə mübarizəyə yönəldib.

Movqe.az-ın publika.az-a istinadən məlumatına görə, Obama bildirib ki, İraqa göndərilən ABŞ hərbi personalı İraq və kürd qüvvələrini terrorçulara qarşı mübarizədə kəşfiyyat məlumatları və təchizatla təmin etməyə kömək edəcək.

Barak Obama Suriyada və İraqda İŞİD terrorçu qruplaşmasına qarşı mübarizədə tək olmadıqlarını xüsusi vurğulayıb. Onun sözlərinə görə, İŞİD terrorçu qruplaşması tərəfindən gələn təhlükələrə qarşı mübarizə kampaniyası bütün dünyaya ABŞ ən yüksək səviyyədə liderliyini nümayiş etdirir.

Obama xalqa həftəlik müraciətində ABŞ-ın ekstremistlərə qarşı mübarizəni müttəfiqlər və tərəfdaşlarla birgə həyata keçirdiyini söyləyib.