Ukrayna silahlıları və qondarma Donetsk Xalq Respublikası
əsirlərin növbəti dəfə dəyişdirilməsi tarixi barədə danışıqlar
prosesini davam etdirirlər.Movqe.az RİA Novosti-yə istinadla
bildirir ki, bu barədə UTX yanında yaradılmış əsirlərin azad
edilməsi üzrə idarələrarası yardım mərkəzindən məlumat veriblər.
"Danışıqlar aparılır. Əsirlərin mübadiləsini heç kim dayandırmayıb.
Tərəflər razılığa gələndə mübadilə baş tutacaq", - deyə mərkəzdən
bildirblər.Bu günlərdə DXR-in hərbi əsirlər üzrə komitəsinin
başçısı Darya Morozova bildirib ki, Donbas Xalq Respublikası
hökuməti Ukrayna silahlıları ilə əsirləri dəyişdimək barədə
danışıqlara hazırdır. Lakin proses Kiyevin günahı üzündən
dayandırılıb. Çünki DXR və LXR tərəfindən bütün məlumatların təqdim
edilməsinə baxmayaraq, Kiyev siyahıda göstərilmiş insanları vermək
istəmir.Qeyd edək ki, Kiyev və DXR hökuməti artıq beş dəfə əsir
dəyişdirmə prosesi həyata keçiriblər. Sonuncu belə hadisə
sentyabrın sonlarında baş tutub.