Bu ilin 9 ayı ərzində 130 çoxmərtəbəli binaya qaz verilib
2014-cü ilin yanvar-sentyabr ayları ərzində Azərbaycanda 130 çoxmərtəbəli binaya qaz verilib.
ARDNŞ-nin rəsmi saytında verilən məlumata görə, "Azəriqaz" İstehsalat Birliyi 2014-cü ilin yanvar-sentyabr ayları ərzində hüquqi və fiziki şəxslərin müraciətlərini araşdıraraq, müvafiq sənədləri təqdim olunan 130 çoxmərtəbəli binaya təbii qazın verilməsini təmin edib.
Qeyd edək ki, təbii qazla təmin olunmuş bu binalarda ümumilikdə 11306 ailə yaşayır.
