news Image
2014.10.13
13:46
| A A A
"Statoil" "Şahdəniz" layihəsindəki payını Malayziyanın "Petronas" şirkətinə satıb

Norveçin "Statoil" şirkəti "Şahdəniz" layihəsindəki 15,5 faizlik iştirak payını və Cənubi Qafqaz qaz kəmərindəki eyni miqdarda payını Malayziyanın "Petronas" şirkətinə satıb.

Sövdələşmənin dəyəri 2,25 milyard dollar təşkil edir. Trend xəbər verir ki, bu barədə şirkətin məlumatında deyilir.

Məlumatda şirkətin vitse-prezidenti Lars Kriatian Bakerin sözlərindən sitat gətirilir: "Bu sövdələşmə [payın satışı] portfelimizi optimallaşdırır və sənaye inkişafına və yüksək artıma nail olmaq üçün maliyyə çevikliyini gücləndirir".

2014-cü ilin ikinci rübündə şirkətin "Şahdəniz" yatağında hasilatının sutkalıq həcmi 38 min barel neft ekvivalentində qaz təşkil edib.

O deyib: "Biz "Statoil"in beynəlxalq portfelində mühüm rol oynamaqda davam etməyə sadiqik".

Müvafiq orqanlar tərəfindən bəyəniləcəyi halda sövdələşmənin 2015-ci ilin əvvəlində başa çatacağı gözlənilir.

Qeyd edək ki, "Şahdəniz" tərəfdaşları aşağıdakı şirkətlərdir: BP - operator (28,8%), ARDNŞ (16,7%), "Statoil" (15,5%), "Total" (10%), Lukoyl (10%), NIKO (10%) və TPAO (9%).

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs