news Image
2014.10.13
18:25
| A A A
Türkiyə parlamentinin komissiyası “erməni soyqırımı”na qarşı strategiyanı müzakirə edəcək

Türkiyə Böyük Millət Məclisinin Xarici işlər komissiyası 2015-ci ildə Türkiyəyə qarşı "erməni soyqırımı" iddialarının güclənəcəyini nəzərə alaraq buna qarşı mübarizə planını müəyyənləşdirəcək.


Komissiyanın üzvü, Cümhuriyyət Xalq Partiyasının (CHP) İstanbul millət vəkili Oktay Ekşi APA-ya açıqlamasında deyib ki, komissiyanın keçmiş sədri Volkan Bozkır Avropa Birliyi naziri təyin edildikdən sonra Xarici işlər komissiyasına hələ ki yeni sədr seçilməyib: "Bu günlərdə komissiyamızın sədri seçildikdən sonra atacağımız addımları müəyyənləşdirəcəyik. Xarici işlər komissiyasının bu istiqamətdə atacağı addımlarla birlikdə, CHP-nin parlament  qrupu da öz təkliflərini hazırlayıb Məclis başqanlığına  təqdim edəcək. "Erməni soyqırımı" iddialarıyla bağlı Türkiyəyə qarşı kampaniyaların artacağı ehtimal edilir, ona görə biz də qısa müddətdə tədbirlər planımızı hazırlamalıyıq".

 

TBMM Xarici işlər komissiyasının üzvü, 57-ci hökumətin dövlət naziri, Milliyyətçi Hərəkat Partiyasının (MHP) Antalya millət vəkili Tunca Toskay da bu həftə komissiyaya sədr seçilməsini gözlədiklərini və daha sonra lazımi addımları atacaqlarını vurğulayıb: "Xarici İşlər nazirliyimiz "erməni soyqırımı" iddialarına qarşı tədbirlər planı hazırlandığına dair bizə məlumat verib, ancaq Məclisimiz yay aylarında başqa məsələlərlə məşğul oldu, ondan sonra tətilə çıxdı, ona görə bu işi, hələ ki komissiyanın gündəminə gətirə bilməmişik. Yeni sədr seçilən kimi, bu məsələnin ciddi şəkildə gündəmə gələcəyinə inanıram".


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs