Gəncənin Hacıkənd qəsəbəsində bədbəxt hadisə baş verib. 

Movqe.az APA-ya istinadən xəbər verir ki, bu haqda informasiyanı Gəncə şəhər Təcili Tibbi Yardım xəstəxanası yayıb.

Xəbərdə deyilir ki, qəsəbədə düşərgədə yaşayan 1984-cü il təvəllüdlü Pərviz Musayev qarın nahiyəsinin kəsilmiş-deşilmiş yarası diaqnozu ilə xəstəxanaya yerləşdirilib. 

Dərhal əməliyyat edilən P.Musayevin vəziyyəti ağır qiymətləndirilir. Gəncə şəhər Baş Polis İdarəsindən verilən məlumata görə, P.Musayev toydan içkili vəziyyətdə evə qayıdarkən yıxılıb və dəmir onun qarın nahiyəsinə bataraq yaralayıb.