Dövlət qurumlarının nümayəndələri yas sahibindən 200 manat rüşvət alıblar-Eksklüziv
Fazil Mustafa: "Azərbaycanda bəzi dövlət qurumlarının nümayəndələri yas mərasimlərinə gedərək rüşvət alıb ehsan süfrəsinin açılmasına göz yumurlar"
"Azərbaycanda bəzi dövlət qurumlarının nümayəndələri yas
mərasimlərinə gedərək rüşvət alıb ehsan süfrəsinin açılmasına göz
yumurlar. Mənə bu günlərdə belə bir məlumat verilib ki,dövlət
qurumlarından birinin səlahiyyətliləri ehsan süfrəsinin
açıldığı yas mərasimlərindən birinə gedərək rüşvət alıblar.
Məlumata görə, onlara ehsan süfrəsinin verilməsinə şərait
yaratdıqlarına görə 200 manat məbləğində rüşvət verilib". Bu
sözləri Movqe.az-a açıqlamasında millət vəkili Fazil Mustafa
söyləyib. F. Mustafa bildirib ki, yas mərasimlərində dəbdəbəli
ehsan süfrəsinin açılmasına çox təəssüf ki, vətəndaşlar əlavə xərcə
düşməklə olsa belə, rüşvət verərək şərait yaradırlar: "Yas
mərasimlərində dəbdəbəli ehsan süfrəsinin açılmasında çadır
mafiyasının rolu böyükdür. Onlar bu kampaniyanın dayandırılması
üçün əməlli-başlı mübarizə aparırlar".