news Image
2012.04.11
10:34
| A A A
Ermənistanın sabiq baş naziri Serj Sarkisyanı biabır etdi
“2011-ci ildə orta aylıq əməkhaqqı Ermənistanda 280 dollar olub ki, Gürcüstanda bu göstərici 318 dollar, Azərbaycanda isə 400 dollardır”

Ermənistanın sabiq baş naziri Qrant Baqratyan prezident Serj Sarkisyana açıq məktub ünvanlayıb. SİA-nın Ermənistan KİV-nə istinadən verdiyi xəbərə görə, sabiq baş nazir Serj Sarkisyanın çıxışını həqiqətdən kənar adlandırıb: "Mən dövlət tərəfindən aparılan siyasətə müdaxilə etmək niyyətində deyiləm. Lakin iqtisadi rəqəmlərə münasibət bildirmək istərdim. Serj Sarkisyan deyir ki, büdcəni 4 milyard dollara çatdıracaq. Amma onun işlədiyi 3 il ərzində 2,5 milyardlıq büdcə 2 milyard olub. Bu da onların göstəricisi. 2011-cu ildə orta aylıq əməkhaqqı Ermənistanda 280 dollar olub ki, Gürcüstanda bu göstərici 318 dollar, Azərbaycanda isə 400 dollardır. Bununla yanaşı, 1996-cı ildə Ermənistanda orta aylıq əməkhaqqı Gürcüstanda 1,7 dəfə artıq, Azərbaycandan isə 1,2 dəfə artıq idi. Son 3 ildə hökumət əvvəlki 15 illə müqayisədə daha çox kredit götürüb. Hazırda Ermənistanın dövlət borcu 4,2 milyard dollardır. 2013-cü ildə 500 milyon, 2014-cü ildə isə 700 milyon dollar borc qaytarmalıyıq. 2013-cü ildə biabırçı durumla qarşı-qarşıya qalacağıq. Bu halda yenidən ruslardan borc almalı olacağıq". Keçmiş baş nazir vurğulayıb ki, son 3 ildə Ermənistanın xarici borcu 2,5 dəfə artıq olub: "Növbəti ildə isə xarici borclar üçün ayrılan pul hərbi xərcləri keçəcək".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs