news Image
2012.07.29
14:26
| A A A
Dini Qurumlarla İş üzrə Dövlət Komitəsinin sədri Zaqatalada dini icmaların fəalları ilə görüşüb
Dini Qurumlarla İş üzrə Dövlət Komitəsinin sədri Elşad İskəndərov Zaqatalada dini icmaların fəalları ilə görüşüb. Komitədən APA-ya verilən məlumata görə, komitə sədri Zaqatalada Cümə məscidini ziyarət edib, Bakı İslam Universitetinin (BİU) Zaqatala şöbəsində pedaqoji heyətlə görüşüb.
E.İskəndərov həmçinin rayon fəalları və Şimal-Qərb bölgəsinə daxil olan rayonların dini icmalarının fəalları ilə də görüşüb.
E. İskəndərov bildirib ki, görüşün keçirilməsində əsas məqsəd bölgədə dini durumu, dini icmaların mövcud imkanlarını, üzləşdikləri problemləri öyrənmək və fəaliyyətləri ilə yaxından tanış olmaqdır. Həmçinin, Dövlət Komitəsinin bölgə ilə bağlı gələcəkdə həyata keçirəcəyi maarifləndirici tədbirləri müəyyənləşdirmək və bu barədə fikir mübadiləsi aparmaq səfərin əsas məqsədlərindəndir.
Görüşdə Qafqaz Müsəlmanları İdarəsinin bölgə qazisi, Zaqatala, Balakən və Qax rayonlarındakı dini icmaların rəhbərləri, imamlar, dini icmaların fəalları və ziyalılar çıxış edərək, bölgədəki dini durum və icmaların fəaliyyəti barədə danışıb, təkliflərini söyləyiblər.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs