news Image
2012.04.13
19:46
| A A A
Əvəz Zeynallının həbs müddəti uzadıldı
İstintaq tərəfinin bununla bağlı vəsatəti məhkəmə tərəfindən təmin edilib "Xural" qəzetinin həbsdə olan təsisçisi və baş redaktoru Əvəz Zeynallının barəsində seçilmiş həbs-qətimkan tədbirinin müddəti 1 ay uzadılıb. Bu barədə APA-ya vəkil Elçin Sadıqov məlumat verib. Vəkil dünən Nəsimi Rayon Məhkəməsində keçirilən prosesdə istintaq tərəfinin verdiyi vəsatətin təmin olunduğunu və həbs-qətimkan tədbirinin 1 ay müddətinə uzadıldığını deyib.  Qeyd edək ki, istintaq tərəfi Ə. Zeynallı barəsində olan həbs-qətimkan tədbirinin uzadılması barədə vəsatətlə məhkəməyə müraciət edib. Onun barəsində seçilmiş həbs-qətimkan tədbirinin müddəti aprelin 20-də başa çatırdı. Məhkəmənin növbəti qərarı ilə müddət mayın 20-dək uzadılıb.  Əvəz Zeynallının barəsində Cinayət Məcəlləsinin 311.3.3 və 311.3.4-cü maddələri ilə cinayət işi başlanıb, hazırda istintaq davam etdirilir.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs