Sentyabrın 17-18-də fövqəladə hallar naziri, general-polkovnik Kəmaləddin Heydərovun başçılıq etdiyi nümayəndə heyətinin Avstriyada rəsmi səfərdə olub.
Səfərin ilk günü
nümayəndə heyəti qərargahı Vyanada yerləşən Atom Enerjisi üzrə
Beynəlxalq Agentliyin (AEBA) Baş Konfransının 56-cı sessiyasında
iştirak etmiş, bir sıra görüşlər keçirib.
Lent.az-ın "Azərtac"-a istinadən məlumatına görə, səfərin ikinci
günü Avstriya tərəfi ilə ikitərəfli görüşlərə həsr olunub. İlk
olaraq nümayəndə heyəti Avstriya Federal Daxili İşlər Nazirliyinin
tərkibində yerləşən Əməliyyat və Böhran Koordinasiyası Mərkəzi ilə
tanış olub.
eyd edilib ki, mərkəz ölkə ərazisində və xaricdə baş verən təbii və
texnogen fəlakətlər, genişmiqyaslı qəza və digər fövqəladə halların
qarşısının alınması üçün bütün müvafiq qurumların bir mərkəzdən
idarə olunmasını təmin edən struktur kimi 2006-cı ildə yaradılıb.
Təqdimat zamanı mərkəzin fəaliyyəti, iş rejiminin təşkili, əhatə
etdiyi sahələr, strukturları, əhalinin fövqəladə hadisələr barədə
məlumatlandırılması metodları barədə məlumat verilib.
Fövqəladə hallar naziri və Avstriyanın federal daxili işlər naziri,
xanım Yohanna Milk-Laytner arasında ikitərəfli görüş keçirilib.
Görüş zamanı hər iki nazirliyin eyni təyinatlı strukturları barədə
məlumat verilib, nazirliklər arasında imzalanması nəzərdə tutulan
fövqəladə vəziyyət zamanı qarşılıqlı yardım haqqında saziş üzərində
işin yekunlaşdırılması və digər qarşılıqlı maraq doğuran məsələlər
ətrafında fikir mübadiləsi aparılıb.
Tərəflər ərazi və əhalicə oxşar xüsusiyyətlərə malik Azərbaycan və
Avstriya arasında fövqəladə halların aradan qaldırılması sahəsində
səmərəli əməkdaşlıq üçün böyük potensial olduğuna əminlik ifadə
ediblgr. Görüşün sonunda nazir K.Heydərov xanım nazır Y.
Mikl-Laytneri Azərbaycana rəsmi səfərə dəvət edib.
Həmin gün nümayəndə heyəti Avstriya Daxili İşlər Nazirliyinin
Federal Təhlükəsizlik Akademiyasında, polis və mülki müdafiə
mütəxəssislərinin yetişdirildiyi təhsil ocağı ilə yaxından tanış
olub. Görüş zamanı akademiyanın nəzdindəki fakültə və tədris
mərkəzləri, nüvə şüalanması xəbərdarlığı, bioloji və kimyəvi
təhlükəli maddələr, mülki müdafiə kurslarının təşkili barədə
məlumat verilmiş, gələcəkdə bu təhsil ocağı ilə Fövqəladə Hallar
Nazirliyinin Akademiyası arasında əməkdaşlıq imkanları barədə fikir
mübadiləsi aparılıb.
Vyana Peşəkar Yanğından Mühafizə Briqadasında keçirilən görüşdə
nümayəndə heyətinə Vyana şəhərində yanğından mühafizə xidmətinin
təşkili barədə, istifadə olunan texniki vasitələr, yanğınsöndürmə
maşınları və vasitələri, qurğular və maddi-texniki baza haqqında
ətraflı məlumat verilib.
Sentyabrın 18-də fövqəladə hallar naziri, general-polkovnik
Kəmaləddin Heydərovun Avstriyaya ilk rəsmi səfəri başa
çatıb.