news Image
2012.09.30
13:50
| A A A
“Nazirlər istefa versə də vəziyyət əvvəlki kimi qalır”

"Biz Gürcüstan adlı ölkəni yenidən quracağıq. Bunu bu gün "Gürcü arzusu" seçki blokunun yekun mitinqinə gələn tərəfdarlarımız bir daha təsdiq edir. APA-nın Gürcüstan bürosunun məlumatına görə bu barədə "Gürcü arzusu" blokunu təmsil edən majoritar deputat Şalva Şalamberidze bildirib. Onun sözlərinə görə, bu gündən başlayan tarix seçkilərdən sonra Gürcüstanın tarixində və onun dövlətçiliyinin inkişafında yeni tarix olacaq. "Biz bu gün yalnız sevinə bilərik. Bu tərkiblə biz inkişafa doğru gedirik. Mitinqə çoxsaylı insanlar gəlib. Mən buraya piyada gələ bilmədim. Çünki insan axını mənim tribunaya tərəf hərəkət etməyimə mane oldu. Bidzina İvanişvilinin çıxışını dinlədim. O, çıxışında bütün məsələlərə toxundu. Bildirdi ki, əgər biz seçkidə qələbə əldə edəriksə, əhalini narahat edən problemləri həll edəcəyik. O, dedi ki, Gürcüstan əsrlərlə tolerant ölkə olub və ölkəmizdə yaşayan milli azlıqların heç bir problemi olmayacaq. Bu tolerantlıq daim davam edəcək".

Şalva Şalamberidze APA-ya açıqlamasında bildirib ki, indiki hakimiyyətdə insan hüquqları pozulur: "Biz hakimiyyətə gələriksə, tezliklə həqiqi və hüquqi əsaslarla ölkə tikəcəyik və bizim ölkədə yaşayan bütün insanlar xoşbəxt yaşayacaq."

Vake seçki dairəsindən majoritar deputatlığa namizəd Ş. Şalamberidze Gürcüstanın Qldan həbsxanasında baş verən işgəncə hadisələrinə də münasibət bildirib. Onun sözlərinə görə, bu cinayətdə məhbusların hüquqları sistemli şəkildə pozulub. "Bu işdə siyasi hakimiyyət məsuliyyət daşıyır. Həbsxanada zorlama, işgəncə və cəza vermələr baş verib. Bu cinayət barədə indiki hakimiyyətin xəbəri var idi. Lakin cinayətlə əlaqədar nazirlər istefa versə və yeni kadrlar onları əvəz etsə də fikrimcə, yenə vəziyyət əvvəlki kimi qalır. Biz sözsüz ki, hakimiyyətə gələndə bütün bu çatışmazlıqları düzəldəcək və insan hüquqlarını bərpa edəcəyik", Ş. Şalamberidze bildirib.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs