Pizza seçimini soruşana 30 il pulsuz pizza
Movqe.Az bildirir ki, ABŞ-da noyabrın
6-sı keçiriləcək prezident seçkilərindən əvvəl sorğularda baş-başa
gedən demokratların namizədi Barak Obama ilə respublikaçı rəqibi
Mit Romninin yarışında pizza qalmaqalı baş verir. Beynəlxalq "fast
food" zənciri "Pizza Hut", başçı namizədlərin 16 oktyabrda
aparacağı ikinci teledebatında Obama və Romniyə pizza seçimlərini
soruşana 30 il ərzində pulsuz pizza verəcəklərini açıqlayıb.
Prezident namizədlərinə pizza seçimini soruşan adam istəsə 30 il
pulsuz pizza yemək yerinə 15 min dollar pul mükafatını da ala
biləcək. Məşhur şirkətin bu kampaniyası eyni zamanda tənqidlərə də
səbəb oldu. Bu sualın əvəzinə, iqtisadiyyat, işsizlik, sağlamlıq
islahatları və xarici siyasət kimi əhəmiyyətli mövzuların
danışılması lazım olduğunu müdafiə edənlər, pizza sualının
teledebatın keyfiyyətini aşağı salacağını söyləyirlər. Həmin an
qatı qaydaların pizza sualına mane olacağını müdafiə edənlər də
var. Ancaq bu, qrupa 1994-cü ildə dövrün başçı namizədi Bil
Klintona "nə cür alt paltar geyinirsiniz" sualını xatırladır. Digər
tərəfdən, milyoner iş adamı Devid Siegelin də 7 min
işçisinə "Obamaya səs versələr işdən çıxarılacaqlarını" söyləməsi
də başqa bir müzakirəyə səbəb olub.