Movqe.az xəbər verir ki, ABŞ-ın şərq sahillərinə təsir edən  "Sandy" qasırğası səbəbiylə yaranan nəhəng dalğalar bir çox ev və iş yerini su altında qoyub. Su basqınlarından ən çox əziyyət çəkən isə Nyu Yorkun 108 illik metrosu olub. NyuYorkda "Sandy" qasırğasından sonra ən böyük zərəri nəqliyyat görüb. Qasırğanın sona çatmasına baxmayaraq hələ də bir çox insan işə gedə bilməyib. Səbəbi isə metro sisteminə dəyən zərərdir. Şəhərdəki metro xətlərinin ancaq müəyyən bir qismi xidmət verə bilir. İnsanlar daha çox şəxsi avtomobillərindən istifadə edir. Bu da onsuz da sıx olan Nyu York nəqliyyatında tıxac yaranmasına səbəb olur.