Bu ilin aprelində Azərbaycanda Maliyyə Samiti keçiriləcək.

Bunu jurnalistlərə Azərbaycan Bank Tədris Mərkəzinin direktoru Cavanşir Abdullayev bildirib. O deyib ki, bu tədbir rəhbərlik etdiyi təşkilat tərəfindən təşkil olunacaq: "Maliyyə sahəsində xarici tərəfdaşlarımızın, maliyyə sektorunda çalışan hökumət nümayəndələrinin iştirakı gözlənilir. Samitdə Azərbaycanda maliyyə sektorunun inkişafına mane olan məsələlər, eyni zamanda ölkədə elektron maliyyə xidmətlərinin inkişafı ilə bağlı məsələlər müzakirəyə çıxarılacaq."