news Image
2012.04.24
21:01
| A A A
Azərbaycan cəmiyyəti indiki müxalifətdən əlini çoxdan üzüb
“İctimai Palata iki mitinq keçirdi, onda nə oldu ki, mayın 6-da keçirəcəyi mitinqdə də nə olsun?”

Azərbaycan cəmiyyəti indiki müxalifətdən çoxdan əlini üzüb. Bunu jurnalistlərə hakim Yeni Azərbaycan Partiyasının (YAP) sədr müavini, icra katibi Əli Əhmədov deyib. "İctimai Palata iki mitinq keçirdi, onda nə oldu ki, mayın 6-da keçirəcəyi mitinqdə də nə olsun? Müxalifət özünə bir məşğuliyyət tapa bilmir. Müxalifətin işindən biri də etiraz aksiyalarının keçirilməsidir. Ancaq onlar qəbul etmək istəmirlər ki, Azərbaycan cəmiyyəti çoxdan əlini indiki müxalifətdən üzüb", - Əhmədov əlavə edib. Onun
 sözlərinə görə, çünki bu müxalifət 20 ildir, yerində gəzir, gedib 5-10 adamı yığıb mitinq keçirir və eyni şeyləri təkrarlayır. "20 ildə Azərbaycan çox dəyişib, amma dəyişməyən bir şey var, o da müxalifətdir. 20 il bundan əvvəl necə idilərsə, indi də elədirlər, 20 il əvvəl kimlər idilərsə, indi də onlardır. Azərbaycan cəmiyyəti iqtidarın apardığı siyasətin faydasını görür və ona görə də hakimiyyəti dəstəkləyir. Müxalifətə isə insanların heç bir inamı qalmayıb, əgər qalsaydı, onlar da bir az dəyişərdilər, mövqeləri güclənərdi, əksinə, mövqeləri gündən-günə zəifləyir. Keçirdikləri aksiyalar bunun bariz nümunəsidir. 30-40 partiyanın keçirdiyi mitinqdə 1000-1500 adam iştirak edir, onlar da öz ailələrindən, funksionerlərindən ibarət olur", - Əhmədov bildirib.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs