news Image
2013.02.08
13:03
| A A A
Əli Əhmədov: “Azərbaycanın kosmik ölkələr sırasına qoşulmasına gəlib çıxması tamamilə gözlənilən idi”

Azərbaycanın süni peykinin orbitə çıxarılması tariximizin əlamətdar hadisəsi sayılmalıdır, bununla ölkəmiz hərtərəfli inkişafının yeni hüdudlarını ortaya qoymuş oldu.

Mən bu əlamətdar hadisəni son illərdə Azərbaycanın hərtərəfli, sürətli inkişafının çox mühüm zəruri nəticəsi hesab edirəm və şahidi olduğumuz iqtisadi dinamika, modernləşmə, yüksəliş meyllərinin nəticə etibarilə Azərbaycanın kosmik ölkələr sırasına qoşulmasına gətirib çıxarması tamamilə gözlənilən idi. Bu fikirləri YAP-ın sədr müavini-icra katibi Əli Əhmədov bildirib.
Ə.Əhmədov qeyd edib ki, Azərbaycanın müasir tarixi möhtəşəm layihələri ilə zənginliyi ilə seçilir:
"Əsrin müqaviləsi, Bakı-Tbilisi-Ceyhan kəmərinin inşası, inanılmaz iqtisadi sıçrayış, qeyri-adi infrastruktur layihələri, Bakının ecazkar simasının yaradılması və sair əzəmətli inkişaf nümunələri bu sırada sadalanmağa layiqdir. Nəhayət, süni peykin orbitə çıxarılması.
İnanıram ki, Azərbaycanın müasir, inkişaf etmiş, ən yeni və qabaqcıl texnologiyalara yiyələnən ölkə kimi imicinin daha da möhkəmlənməsində orbitə çıxarılan ilk Azərbaycan peyki müstəsna rol oynayacaq, ölkəmizin texnoloji inkişafına böyük təkan verəcək.
İlk Azərbaycan süni peykinin orbitə çıxarılmasının təşəbbüskarı və bu möhtəşəm layihənin həyata keçirilməsi üçün bütün lazımi şəraitin yaradılmasının təminatçısı kimi ölkə Prezidenti cənab İlham Əliyevi və bütün Azərbaycan xalqını təbrik edirəm. Uğurlu və xeyirli olsun!".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs