II və III ixtisas qrupları üzrə ali məktəblərə keçirilən qəbul imtahanlarının nəticəsi üç-dörd gün ərzində açıqlanacaq. Bu barədə Movqe.az-a açıqlamasında Dövlət İmtahan Mərkəzinin (DİM) Mətbuatla iş və elektron kommunikasiya sektorunun müdiri Xanlar Xanlarzadə məlumat verib. X. Xanlarzadə bildirib ki, artıq imtahan nəticələrinin, cavab kartlarının və qrafik təsvirinin emalı prosesinə start verilib: "Yaxın üç-dörd gün ərzində imtahan nəticələri və cavab kartları DİM-in saytında yerləşdiriləcək".
Zülfiyyə QULUYEVA