“ 2016-cı ildə qadınlara qarşı törədilmiş cinayətlərə görə 739 nəfər məhkəmə məsuliyyətinə cəlb edilib. Ötən il ailə-məişət zəmində baş verən cinayətlərin sayı 2015-ci illə müqayisədə azalıb. ”.
Movqe.az xəbər verir ki, bunu Daxili İşlər Nazirliyinin Baş İçtimai Təhlükəsizlik İdarəsinin xüsusilə mühüm tapşırıqlar üzrə baş ispektoru Əkbər Əkbərov Bakıda “Gender problemləri və media” mövzusunda keçirilən seminarda deyib. "Qadınlara qarşı törədilmiş cinayətlər və onların mətbuatda işıqlandırılması" ilə bağlı çıxışında Ə.Əkbərov bildirib ki, qadın hüquqlarının təmin edilməsi, onlara qarşı törədilmiş cinayətlərin açlılması və zoraklığın proflaktikası daxili işlər orqanlarının əsas vəzifələrindəndir. Onun sözlərinə görə, ölkədə münaqişəli ailələr qeydiyyata götürülür və aidiyyatı qurumlar da cəlb edilərək qabaqlayıcı tədbirlər həyata keçirilir: "Ailə-məişət zorakılğı zəmində baş verən hər bir cinayət faktı üzrə xidməti yoxlamalar aparılır. İnzibati xətalar məcəlləsinin 157-ci maddəsində döymə, 158-ci maddəsindəki məişət zəminində psixi zorakılıq maddələrinə görə 300 manatdan 1000-dək cərimə və ya inzibati həbs nəzərdə tutulub”.
Ə. Əkbərov bildirib ki, münaqişəli ailələrin qeydiyyata alınması, profilaktik tədbirlər həmin ailələrdə ağır qətllərin qarşısını alır.
Zülfiyyə QULUYEVA