Bu gün İslam Həmrəyliyi Oyunlarında kişi həndbolçular arasında təsəlliverici görüşlər keçirilib.
Movqe.az goal.az-a istinadla bildirir ki, 5-ci yer uğrunda mübarizədə Azərbaycan və Mərakeş milliləri qarşılaşıblar.
Keçirdiyi 3 matçın 2-də məğlub olaraq mükafatlardan əlini üzmüş Hikmət Abdullayevin yetirmələri 31:25 hesabı ilə qalib gələrək 5-ci olub. Bununla da, yığmamız yarışda çıxışını vaxtından əvvəl bitirib.
Qadın həndbolçulardan ibarət komandamız isə yoluna davam edir. Millimiz sabah yarımfinalda Özbəkistanla üz-üzə gələcək.