İnternet axtarış saytı "Yahoo" daha çox adam cəlb edə bilmək üçün ana səhifəsini yeniləyərkən iş şərtlərini də dəyişdirib. Şirkət artıq elastik işi qəbul etməyəcək. Movqe.Az "BusinessInsider"ə istinadən xəbər verir ki, "Yahoo" baş icraçı direktoru Marissa Mayer, evdən işçilərə göndərdiyi e-məktubda "İyun ayı etibarilə artıq ya işə gəlin, ya da işi buraxın" xəbərdarlığı edib. Keçən il bu vəzifəni alan Marissa Mayer, yeni vəzifəyə gəldiyi zaman iş motivasiyasını artırmaq üçün yeməkləri pulsuz edərək bütün işçilərinə "iPhone" hədiyyə edib.