Jurnalist:"Uşaq deyiləm ki, kiminləsə prinsip aparım"
1 Mart 2013 10:41 (UTC+04:00)
Axşam.az-ın məlumatına görə, şəkilləri ilk dəfə öz saytında
yerləşdirən jurnalist Ceyhun Məhərrəmov məsələyə
münasibət bildirib.
O deyib ki, modelin şəkillərini yaymaqla öz jurnalist vəzifəsini
yerinə yetirib:
"İnternetdə Günay Musayevahaqda axtarış verərkən bu fotoları
təsadüfən fotoqraflardan birinin səhifəsində gördüm. Günay
aktyor Tolqa Karellə ailə qurana qədər məşhur deyildi. İndi
isə o, tanınmış simadır və onun şəxsi həyatı ictimaiyyətə açıqdır.
Jurnalistin bu şəkilləri xəbər edib verməsi isə normal haldır".
C.Məhərrəmovun sözlərinə görə, bu şəkillərin yayılmasında onu
günahlandırmaq düzgün deyil:
"Mən heç bir səhv addım atmamışam. Əgər şəkillər internetdə
olmasaydı, mən bunu necə yaya bilərdim? Bir daha təkrar edirəm ki,
fotolar internetdə var idi. Günay deyir ki, bu şəkillərin yayılması
qadağandır və mən bu fotoları qəsdən yaymışam. Uşaq deyiləm ki,
kiminləsə prinsip aparım. Mən sadəcə vəzifəmi yerinə yetirmişəm.
Bu, Günayın öz səhvi ucbatından yaranmış məsələdir. O, araşdırsın
ki, fotoqraf həmin şəkilləri niyə səhifəsində yerləşdirib. Mən
fotoları onun səhifəsindən götürmüşəm və burada heç bir təqsirim
yoxdur".