Ermənistan prezidentliyinə namizəd, "İrs" partiyasının lideri Raffi Ovannisyan fevralın 18-də keçirilmiş prezident seçkilərinin nəticələrinin etibarsız sayılması üçün Konstitusiya Məhkəməsinə müraciət edib. Movqe.az-ın News.am-a istinadən verdiyi məlumata görə, Raffi Ovannisyanın seçki qərargahının nümayəndəsi bu gün sənədləri məhkəməyə təqdim edəcək. Bundan dərhal sonra müxalifət liderinin mətbuat katibi və hüquqi məsələlər üzrə köməkçiləri məhkəmənin binası qarşısında mətbuat konfransı keçirəcəklər.