İranın maliyyə naziri: "Gələn həftə Prezident İlham Əliyev İrana səfər edəcək"

26 Oktyabr 2017 20:00 (UTC+04:00)

Gələn həftə Azərbaycan Prezidenti İlham Əliyev İrana səfər edəcək.

"Report" xəbər verir ki, bunu jurnalistlərə açıqlamasında İranın maliyyə naziri Məsud Karbasiyan (Masoud Karbasian) deyib.
Onun sözlərinə görə, gələn həftə İranda Azərbaycan, İran və Rusiya prezidentlərinin iştirakı ilə üçtərəfli görüş keçiriləcək: "Mənim səfərim Azərbaycan Prezidentinin İrana səfəri zamanı ikitərəfli müzakirə ediləcək məsələlərə hazırlıq xarakteri daşıyır".